English

Sími 4415800

Fréttir

Sumarhátíð Marbakka

2.6.2015

         

Kæru foreldrar / forráðamenn.

Fimmtudaginn 11. júní verður hin árlega Sumarhátíð Foreldrafélags Marbakka haldin. Að venju er vandað til hátíðarhaldanna. Við búumst ekki við neinu öðru en stórbrotnu sumarveðri þar sem sól og sumarhiti kæta okkur í skrúðgöngu undir taktfastri tónlist Skólahljómsveitar Kópavogs.

 

Hátíðarhöldin hefjast klukkan 14:45 og mun skrúðgangan leggja af stað frá Marbakka klukkan 15:00 en genginn er stuttur hringur þar sem börnin sýna sínar bestu hliðar og leiða foreldra/forráðamenn.  Eftir skrúðgönguna eða um klukkan 15:30 er svo safnast aftur saman á túninu norðan megin við Marbakka þar sem elstu börn leikskólans munu skemmta okkur ásamt Sirkusi Íslands. Að því loknu verður boðið upp á hina ýmsu viðburði eins og:

  • Krítarstöð
  • Málningarstöð
  • Hljóðfæragerð
  • Byggingasmiðju
  • Leirstöð
  • Listaverkasölu (þar sem verk eftir börnin verða seld gegn frjálsum framlögum)
  • Pylsur og drykki
  • Barnabókaskiptimarkað  (hægt að koma með bækur að heiman og skipta þeim út fyrir nýjar)
  • Og að sjálfsögðu frábæran félagskap......

 

Við óskum eftir sjálfboðarliðum til að aðstoða okkur við grillið svo það taki ekki of langan tíma til að gefa öllum að borða. Margar hendur vinna létt verk. Áhugasamir mega endilega senda foreldrafélaginu tölvupóst á netfangið 

 foreldrafelag.marbakki@gmail.com


 Hátíðarhöldin eru frá 14:45 til 17:00 og vonumst við til að sjá sem flesta njóta dagsins með börnum okkar.

 

Kær kveðja,

Foreldrafélag Marbakka



Þetta vefsvæði byggir á Eplica