Fréttir og Tilkynningar
Stutt foreldrakönnun
Deildarstjórar og stjórnendur í Marbakka ákváðu á dögunum að senda stutta könnun til foreldra í kjölfar foreldraviðtala. Könnunin verður að þessu sinni örstutt og nær yfir viðhorf foreldra til náms- og þroskamarkmið í leikskólanum og framfarir barnanna. Einnig er spurt um foreldraviðtöl og ábendingar um leikskólastarfið. Við viljum hvetja alla foreldra til að taka þátt og hafa samband við okkur ef ykkur hefur ekki borist könnun í lok vikunnar. Stundum geta svona tölvupóstar lent í ruslsíu svo það er sniðugt að kíkja þangað líka.
Viðburðir
Farsæld barna
Börn og foreldrar sem á þurfa að halda eiga að hafa aðgang að samþættri þjónustu við hæfi án hindrana. Samþætt þjónustu í þágu farsældar barns er skipulögð og samfelld og hefur það markmið að skapa heildarsýn og ramma um þau þjónustukerfi sem skipta mestu máli fyrir farsæld barna. Hér eru upplýsingar um farsæld barna í Kópavogi.
Öll börn og foreldrar skulu hafa aðgang að tengilið þjónustu í þágu farsældar barns eftir því sem þörf krefur. Hlutverk tengiliðar er fyrst og fremst að veita upplýsingar, aðstoða foreldra og barn og styðja við samþættingu á fyrsta stigi í samræmi við óskir foreldra og/eða barns. Foreldrar og börn geta leitað sjálf beint til tengiliðar eða sent beiðni í gegnum Þjónustugátt Kópavogsbæjar
Tengiliðir leikskólans:
Unnur Ólöf Gunnarsdóttir, sérkennslustjóri Marbakka
unnur.olof.gunnarsdottir@kopavogur.is