Fréttir og Tilkynningar

Fríður lætur af störfum sem leikskólastjóri

Þann 1. desember lét Fríður leikskólastjóri af störfum eftir farsælt starf hér í Marbakka. Þriðjudaginn 8. desember var henni haldið lítið kveðjuhóf og afhenti hún leikskólanum handbók um Reggio Emilia stefnuna sem hún tók saman nú í haust. Handbókinni er ætlað að vera leiðarvísir og stuðningur við faglegt leikskólastarf í anda Reggio og mun koma að góðum notum í Marbakka. Fríði voru þökkuð hennar mikilvægu störf í þágu barna í þau tæpu 20 ár sem hún hefur leitt leikskólastarfið. Staða leikskólastjóra verður auglýst innan tíðar en á meðan gegnir aðstoðarleikskólastjóri störfum leikskólastjóra.
Fréttamynd - Fríður lætur af störfum sem leikskólastjóri
Til baka

Viðburðir

Allir viðburðir

Farsæld barna

Börn og foreldrar sem á þurfa að halda eiga að hafa aðgang að samþættri þjónustu við hæfi án hindrana. Samþætt þjónustu í þágu farsældar barns er skipulögð og samfelld og hefur það markmið að skapa heildarsýn og ramma um þau þjónustukerfi sem skipta mestu máli fyrir farsæld barna. Hér eru upplýsingar um farsæld barna í Kópavogi.

Öll börn og foreldrar skulu hafa aðgang að tengilið þjónustu í þágu farsældar barns eftir því sem þörf krefur. Hlutverk tengiliðar er fyrst og fremst að veita upplýsingar, aðstoða foreldra og barn og styðja við samþættingu á fyrsta stigi í samræmi við óskir foreldra og/eða barns. Foreldrar og börn geta leitað sjálf beint til tengiliðar eða sent beiðni í gegnum Þjónustugátt Kópavogsbæjar

Tengiliðir leikskólans:

Unnur Ólöf Gunnarsdóttir, sérkennslustjóri Marbakka

unnur.olof.gunnarsdottir@kopavogur.is